Hanna Jensen, landsstýriskvinna í útbúgvingar- og granskingarmálum, hevur nú góðkent eina nýggja útbúgving. 

Talan er um bachelorútbúgving í maskinfrøði, ið kann byggjast oman á verandi maskinmeistaraútbúgving.   

Fróðskaparsetrið og Vinnuháskúlin hava í felag lagt útbúgvingina til rættis, og nú landsstýriskvnnnan hevur góðkent útbúgvingarprofilin, kann maskinfrøði verða boðin út á Fróðskaparsetrinum.  

Nýggja útbúgvingin er skipað í samsvari við Bologna-leistin.

Í fyrireikingararbeiðinum hava Fróðskaparsetrið og Vinnuháskúlin millum annað samskift við Danmarks Tekniske Universitet um innihaldið og um framhaldsmøguleikar eftir lokið prógv í maskinfrøði.   

Í fyrstu atløgu verður samstarv við DTU, sum er eitt sterkt universitet innan verkfrøði. 

Tað hevur verið ein tørvur á eini slíkari skpan, ið ger tað smidligari hjá maskinmeistarum at fara undir víðari lesnað. Higartil heur tað ikki borið til, tí maskinmeistaraúbúgvingin er ikki ein bachelorútbúgving.

Men við nýggju úbúgvingini, sum tekur 1 ár og 3 mánaðir, kunnu maksinmeistarar taka bachelorprógv í maskinfrøði og síðani halda fram á einum yvirbygnaði á kandiatstøði á DTU, greiða tey trý Hanna Jensen, landsstýriskvinna, Siurð Í Jákupsstovu, rektari á Setrinum, og Wilhelm Petersen, stjóri á Vinnuháskúlanum, frá.

Við nýggju útbúgvingini verður ástøðiligi parturin hjá maskinmeistarum styrktur, og tað gevur teimum eina munandi skjótari atgongd til kandidatúbúgvingar enn higartil

Bachelorútbúgvingin í maksinfrøði kann vera lisin bæði parttíð og hulla tíð á Nátturuvísindadeildini á Setrinum.

Ætlanin er at skipa ein samalestur við orkuverkfrøðiútbúgvingina, sum hevur upptøku annað hvørt ár.

Hendan útbúgvingin byrjar aftur nú í heyst, og tí verður strongt á, soleiðis, at útbúgvingin í maksinfrøði kann byrja longu í heyst.